Аймақтарда жаппай тәртіпсіздік белең алған сәтте “жергілікті биліктің дәрменсіздік танытқанын” айтқан Тоқаев Қауіпсіздік кеңесі Ұжымдық қауіпсіздік туралы шарт ұйымына жүгіну туралы шешім қабылдағанын айтады. Президенттің сөзінше, Қазақстан оның бітімгерлік күштерін тұрақтылық пен қауіпсіздікті қамтамасыз ету үшін ғана қысқа мерзімге енгізуді сұраған.

“Бұл жерде мына жайтқа баса мән беру керек. Біз бұл құрылымның мүшесі ретінде Ресейге емес, Ұжымдық қауіпсіздік туралы шарт ұйымына жүгіндік.

Сол кезде осы ұйымның төрағасы Армения еді. Биыл ҰҚШҰ-ға Қазақстан төрағалық етеді. Құрылым жасағы, шын мәнінде, бітімгерлік рөл атқарып, қасіретті күндерде елді жайлаған жүгенсіздікті тоқтатуға септігін тигізді. Ұйымға мүше-мемлекеттермен келісілгендей, бұл бітімгерлік күштер алдын ала ешқандай талап қоймастан, оның үстіне мерзімінен бұрын Қазақстаннан сыртқа шығарылды”, – деп атап өтеді Тоқаев.

"Ықпалды адамдарға мүлде ұнаған жоқ": Қасым-Жомарт Тоқаев Қаңтар оқиғасына не түрткі болғанын айтты

2023 жылы Қазақстан саясатында қандай маңызды өзгерістер болды - Саясаттанушылармен сұхбат

Мемлекет басшысы ҰҚШҰ бітімгерлік күштері лаңкестікке қарсы операцияларға қатыспағанын, бірде-бір оқ атпағанын атап өтеді. Сондай-ақ ол Алматыда Қаңтар кезінде ҰҚШҰ әскерлері қандай нысандарды күзеткенін айтып өтті.

“Армения жасағы "Ақсай" нан зауытын және "Алматы су" мекемесін, Беларусь жасағы Жетігендегі аэродромды, Тәжікстан мен Қырғыз Республикасының әскери қызметшілері Алматы қаласының бірінші және екінші жылу электр орталықтарын, Ресей жасағы үшінші жылу электр орталығы мен телекоммуникация нысандарын күзетті. Осы маңызды нысандарға лаңкестік шабуылдар жасалуы мүмкін деген қауіп болды. Сондықтан бітімгерлік күштер соларды күзетуге жіберілді. Ең бастысы, сол арқылы өз күштерімізді лаңкестікке қарсы операцияға жұмылдыруға мүмкіндік туды”, – дейді ол.

Талқылау