Бірнеше ай іздеуде болған көпбалалы әке өз өлімін қолдан жасап, Грузиядағы көңілдесіне қашып кеткен

Фото: Morry Gash / AP

2024 жылы 12 тамыз күні америкалық 45 жастағы Райан Боргвардт Висконсин штатындағы Грин-Лейк көліне балық аулауға кетіп, қайта оралмаған. Күйеуінен айырлып қалдым деп ойлған әйелі оны 8 айдан кейін Грузиядан тапты. Ер адам өз өлімін қолдан жасаған болып шықты. Бұл туралы Stan.kz ақпарат агенттігі Lenta.ru басылымына сілтеме жасап хабарлайды.

Боргвардтар отбасы 22 жыл бойы некеде болып, үш баланы бірге тәрбиелеп келген. Эмили Боргвардт күйеуінің жоғалып кеткенін білгене бірден полицияға хабар берген. Полиция дереу іздеу жұмыстарын бастады.

Сегіз аптаға созылған іздестіру жұмыстарының нәтижесінде, көлден оның аударылып қалған қайығы, құтқару күртешесі табылды. Кейін бір балықшы көлден Грин-Лейктен қармақ, әмиян, кілттер мен Боргвардтың жүргізуші куәлігін алып шықты.

Полиция бұл жағдайды зерттей бастағанда ер адамның мамыр айында төлқұжатын жоғалттым деп өтініш беріп, жаңасын алғаны анықталды. Жоғалып кетрдің алдында ол шетелдік банкке қаражат аударып, электрондық пошта мекенжайын ауыстырған, 375 мың доллар (шамамен 201 750 000 теңге) көлемінде сақтандыру полисін рәсімдеген және бір өзбекстандық әйелмен жиі хат алмасқан.

Сондай-ақ ол Грин-Лейкке аттанар күні ол компьютерінің қатқыл дискін және браузердегі іздеу тарихын толық тазалаған. Сөйтіп қайтадан бала сүйе алу үшін реверсивті вазэктомия процедурасын жасатқан.

Бұл айғақтардың соң полиция Боргвардтты көл түбінен іздеудің мәні жоқ екенін айтқан. Олар ер адамның қашуды алдые ала жоспарлап, кейін шетелге қашып кетті деген болжам жасады.

Алайда Боргвардт жоғалғаннан кейін үш ай өткен соң полицияға бейнежазба жіберіп, өзі байланысқа шықты. Видеода өзінің аман-есен екенін айтып, қазір Шығыс Еуропада жүргенін және қайтатын ойы жоқ екенін айтты. Қашуына “жеке басына қатысты” мәселе себеп болған.

“Ол үйінен Грин-Лейкке дейін шамамен 80 шақырым жолды көлікпен жүріп өтіп, сол жерде қайықты әдейі аударып, телефонын суға лақтырған. Содан кейін үрмелі қайықпен көлдің арғы жағына жүзіп өткен. Грин-Лейкті Висконсин штатындағы ең терең көл болғандықтан таңдаған. Құрлыққа шыққан соң, ол электрлік велосипедке мініп, бір түннің ішінде 110 шақырым жүріп Мэдисон қаласына жеткен. Ол жерден автобусқа мініп, Детройтқа барған, содан кейін тағы бір автобуспен шекараға жетіп, Канадаға өткен”, – деп жазды басылым.

Боргвардт Канададан ол ұшаққа мініп, Парижге жетіп, тағы бір ұшаққа отырған. Ал соңғы бағыты — Грузияның Тбилиси қаласы. Кейін дәл сол жерде оны Өзбекстаннан келген әлгі әйел күтіп алған. Олар бірнеше күн қонақүйде бірге болып, кейін пәтер жалдап бірге тұра бастаған.

Полиция оны отбасына қайтуға көндірген. Ер адам отанына оралған сәтте ұсталып, қамауға алынды.Оның адвокат Эрик Джонсон жазаны жеңілдетуге тырысып, Боргвардттің істеген ісіне қатты өкінетінін жәнеайыбын өтеу үшін елге оралғанын мәлімдеді.

“Сол түні жасаған әрекеттеріме және отбасым мен достарыма қайғы әкелгенім үшін шын жүректен өкінемін”, – деді Райан Боргвардт.

Кінәсін мойындап, келтірілген шығынды өтегеніне қарамастан, Боргвардт бәрібіржауапқа тартылды. Прокуратура оның тергеумен ынтымақтаса жұмыс істегенін және шынайы өкінгенін ескере отырып, Грин-Лейк округінің судьясы Марк Слейттен оны бар болғаны 45 күнге бас бостандығынан айыруды сұрады.

Алайда судья Слейт мұндай жаза істің ауырлығын және құқық қорғау органдары жұмсаған уақыт пен ресурстарды өтемейтінін жеткізді. Сондықтан ол ер адамға 89 күнге қамауға алу туралы жаза тағайындады. Бұл санның өзіндік мәні бар. Райан Боргвардтқа іздеу жарияланып, табылғанға дейінгі уақыт 89 күнге созылған еді.

Ал Боргвардттың әйелі күйеуі елге оралғаннан кейін төрт айдан соң ажырасуға өтініш берді.