"Жағдай мәз емес": Министр биыл қазақстандық 30 атлет допинг дауына іліккенін айтты
Соңғы үш жылда 133 қазақстандық спортшы допинг дауына іліккен. Бұл туралы туризм және спорт министрі Ермек Маржықпаев айтты. Бұл туралы Stan.kz ақпарат агенттігі хабарлайды.
Министрдің сөзінше, допинг дауына қалғандардың ішінде 93 атлет жазғы Олимпиада спорт түрінің спортшылары. Оның ішінде 45-і ауыр атлеттер екені анықталды.
“2020 жылы допинг дауына іліккен ауыр атлеттердің саны 5 адам. 2022 жылы 10 болса, биылдың өзінде ғана 30 атлеттің допинг қолданғаны дәлелденді. Бұл біз үшін тым жоғары көрсеткіш. Өйткені І, ІІ, ІІІ санаттағы құрама команда түгел шеттетілген. Сонда қазір базалық құраманың рөлін жасөспірімдер атқаруға мәжбүр болып отыр. Яғни, жағдай жақсы емес”,- деді министр ОКҚ алаңында өткен баспасөз мәслихатында.
Маржықпев қазіргі уақытта допингке қарсы орталықпен бірге жұмыс жүріп жатқанын мәлімдеді. Дегенмен допингке саналы түрде бармайтын спортшылар да бар.
“Өкінішке қарай, интернет арқылы спорттық тағамға тапсырыс беру оңай. Спортшылардың көбі осындай тапсырыспен сапасыз тағамға ұрынып қалып жатады. Яғни, допингке саналы түрде бармайтындары да бар. Тіпті интернет пен дәріхананы қойып базардан да сатып алатындар бар. Бұл жұмысты жүйелеп, заңнаманы тағы жетілдіру керек. Өйткен өте көп спортшымыздан айырылып жатырмыз”,- деді министр.