Бидің түбін тескен аю жұртты күлкіге қарық қылды (видео)

Канада елінің Колумбия провинциясында ер адам «билеп тұрған» аюды видеоға түсіріп алды. Аталған видео желі қолданушыларының ыстық ықыласына бөленді, деп хабарлайды Stan.kz ақпарат агенттігі.

Кәсіби фотограф Рассел Милнер түсірген кадрлардан аюдың биге ұқсайтын қимылдар жасап жатқанын көруге болады.

«Ол болып жатқаннан ләззат алып жатқандай. Қонжық әкесіне қарағанда жап-жақсы билейді», – деді куәгер.

Милнердің айтуынша, аюлар ұрыстың алдын алып, өзі секілді аңдармен осылай ым-ишара арқылы «тілдеседі». Сондай-ақ, ол аңның жанында адам жүргенін сезсе де, еш қысылмағанын айтады.