Бет пішініңізге сәйкес сізге қандай шаш үлгісі жарасады? (фото)
Егер сіз түр-әлпетіңізді өзгерткіңіз келсе, біз сізге қолдау танытамыз. Ол үшін сіз кәсіби мамандардың төменегідей теориясына ден қоюыңыз керек.
Дөңгелек бет түрі
Егер сіздің бетіңіз дөңгелек пішінді болса, оны аздап тартып көрсету керек. Мұндай қыздарға шашын иек тұсына не одан жоғары етіп қиюға кеңес бермес едік. Өйткені ондай шаш үлгісі бетіңізді одан әрі жалпақ етіп көрсетеді. Сізге ұзын әрі тік шаш жарасады. Егер ұзын шашпен жүргіңіз келмесе орташа етіп қисаңыз болады.
Сопақ бет түрі
Егер сіздің бетіңіз сопақша келген болса, онда сізге шаштың барлық түрі жараса береді. Әсіресе, тік кекіл қойғаныңыз абзал. Кекіл жүзіңізді ода әрі көріктендіре түседі. Мұндай қыздарға бұйра шаш та, қысқа шат жараса береді.
Төртбұрыш пішінді беттер
Бет пішіні төртбұрышты болып келген қыздарға ең алдымен жағын жасырып көрсету керек. Әсіресе, шаштың боб үлгісі сіздің жағыңыздың үлкендігін жасырып, мойныңызды ұзын етіп көрсеттеді. Немесе кекілді ұзын шаш та жараса кетеді.
Үшбұрышты бет жүзі
Беті үшбұрыш пішінді болып келетін қыздарға ұзын және жұмсақ бұйра шаштар жарасады. Тек оған көлем беруді ұмытпау керек. Ал, егер сіз шашыңызды бұйралап, оған көлем беруге ерінсеңіз шашыңызды қысқа етіп қиюға болады. Мұндай қыздарға қысқа шаш үлгісінің барлық түрі жараса береді.
