"Берік Уәли әкім болды": Ақорда ақпаратқа қатысты пікір білдірді

Ақорда Берік Уәли Шығыс Қазақстан облысының әкімі болды деген ақпаратты жоққа шығарды, деп хабарлайды Stan.kz ақпарат агенттігі. 

"Ақпарат шындыққа сәйкес келмейді", – деп хабарлады Ақорданың баспасөз қызметі.

Бұған дейін желіде Тоқаевтың баспасөз хатшысы жаңа қызметке тағайындалғаны туралы ақпарат тараған еді.

Еске салсақ, мемлекет басшысы өзінің жолдауында Абай облысын құруды тапсырды. Ол қазіргі Шығыс Қазақстан облысынан бөлінеді, Семей облыс орталығы болады.

Берік Уәлидің бұрынғы Семей облысының тумасы екені белгілі.