Соңғы жаңалықтар
Соңғы жаңалықтар

Белсенділер Түркістан облысындағы мүгедек балаларға арналған интернаттан жантүршігерлік фото жариялады: Директор жұмыстан босатылды

Түркістан облысы Тасарық ауылындағы мүгедектерге арналған арнайы интернатта екі тәрбиеленушінің аяқ күйіп қалған. Ал мекеме ата-анасына да, жедел жәрдемге де хабарламаған, деп хабарлайды Stan.kz ақпарат агенттігі. 

Тасарық

Бұл туралы белсенді Ақмарал Омралинова Facebook-тегі парақшасында жазды.

Оның мәліметінше, мекемеде күндізгі нормада шіріген көкөністер анықталған, тәрбиеленушілерге сәбилердің өлшеміндегі жөргектер берілген.

"Онда балалар оларды орталықтың қызметкерлері ұрып-соққанын айтты, мұнда қоймаларда үлкен жетіспеушілік табылды, жаңа жеткізілім партиясында бүлінген ет анықталды, онда ет орнына құйрық майы әкелінеді, тәрбиеленушілерді табиғи емес өніммен тамақтандырады және басқа да көптеген бұзушылықтар анықталған", - деп жазды белсенді.

Оның жазуынша, Түркістан облысының жұмыспен қамтуды үйлестіру және әлеуметтік бағдарламалар басқармасы №7 Тасарық арнаулы әлеуметтік қызметтер көрсету орталығы директоры Жантаева Динараның өз еркімен жұмыстан бостылғанын хабарлаған.

Алайда бұл хабар белсендінің шамына тиген секілді. 

"Егер осылай болса, бұл Түркістан облысының әкімдігі жемқор дегенді білдірмейді ме?

Егер осылай болса, жазаның болмауы мүмкіндігі шектеулі балаларға қатысты заңсыздықтардың жаңа сериясын туғызбай ма?

Мүмкіндігі шектеулі балалардың құқықтары жүйелі түрде бұзылғанына кім кінәлі: орталық директоры немесе облыс әкімі?

Тағы бір сұрақ: бұл туралы Темірбаева Асия жетекшілік ететін басқарма немесе бөлім бастығы Мирова Күміс, қадағалау департаменті, санитарлық қызметтер және облыстың басқа да құзырлы ұйымдары емес, неге мен, елдің қарапайым азаматы анықтап жатырмын?", - деп шағымданды Ақмарал Омралинова.

Талқылау
Пікір
Қазір оқып жатыр
Çàãðóçêà...
Қазір оқып жатыр