Бекзат Алмаханның UFC лигасындағы келесі жекпе-жегі жақын арада жарияланбақ

Фото: Chris Unger/Zuffa LLC

OCTAGON ұйымының президенті әрі қазақстандық UFC жауынгерлерінің менеджері Нұраддин Садықов Бекзат Әлмаханның алдағы жекпе-жегі бойынша келіссөздердің аяқталуға жақын екенін айтты. Бұл туралы Stan.kz ақпарат агенттігі "Спорт Шредингер" порталына сілтеме жасап хабарлайды. 

Бұл ақпаратты ол дереккөзге берген сұқбатында айтты.

Оның сөзінше, қарсылас пен жекпе-жек уақыты белгілі болған:

"Бекзатта қазірдің өзінде жаңа жекпе-жектің уақыты бар, қарсыласы да анықталды. Өте хайпты спортшы, есімі танымал. Біз кеше ғана ұсынысты алдық, дереу талқыладық. Енді олардың тарапынан келісімді күтіп отырмыз, содан соң ресми жарияланады", – деді Садыков.

Сонымен қатар ол бастапқы жоспарға өзгеріс енгізілгенін атап өтті:

"Бұл біз қалаған уақыт емес, локация да өзгеше. Бірақ қарсылас өте қызықты – анонсты күтіңіздер", – деді Садықов өз сөзінде.

Еске салайық, UFC 315 турнирінде Әлмахан өзінің мықтылығын дәлелдеп, бұрынғы TUF чемпионы Брэд Катонаны небәрі бір минутта нокаутқа түсірген болатын.

Қазіргі таңда жанкүйерлер қазақстандық файтердің келесі қарсыласының есімін асыға күтуде.