Бекболат Тілеухан министрден Facebook желісін ауыздықтауды сұрады
Мәжілістегі «Отандық бұқаралық ақпарат құралдарының бәсекелестігі және дамуы мәселелері туралы» өткен үкімет сағатында депутат Бекболат Тілеуxан Facebook желісінің Қазақстанда саяси аренаға айналып кеткенін айтып, өкінішін білдірді.
«Баяғыда мінбеге шығып, сөз алу үшін, ақпарат тарату үшін дәлелденген еңбегің, қоғамда пікір айтатын беделің болуы керек еді. Баяғыда, ең болмаса пікір айту үшін 100 қойдан 101 қозы алуың керек болатын. Ал қазір ерінбеген етікші, ұялмаған әнші болатын заман туды. Шексіз майдан басталып кетті. Тізесіне ноутбугын қойып ойына келгенін жаза береді. Еліне құрметі қалған жоқ. Мұның бәрі, біріншіден, мәдениеттің жоқтығынан. Тектіліктің болмауынан деп ойлаймын. Мысалы, Facebook АҚШ-та отбасымен балық аулауға барғандары секілді демалыстарының суретін салатын әлеуметтік желі болып саналады. Ал, бізде, Қазақстан қоғамында бұл саяси аренаға айналып отыр. Осыны ауыздықтау үшін не істеу керек деген мәселе Ақпарат министрлігінің алдында тұр», – деді Бекболат Тілеухан.
Жіберіп алмаңыз:
Шөкеев қандай ұлттық компаниялардың сатылатынын айтты
Сағынтаев: Қыз ұзатылуға дайын, бiрақ алатын ешкiм жоқ
Министр Абаев үнді мен кәріс сериалдарынан қалай құтылатынын айтып берді