Beeline Қазақстанда бірнеше ресейлік арнаны көрсетуді тоқтатады

Beeline компаниясы Қазақстан аумағында оннан аса ресейлік арнаны көрсетуді тоқтататынын мәлімдеді, деп хабарлайды Stan.kz ақпарат агенттігі. 

Компанияның баспасөз қызметінің мәліметінше, тізімге енген 15 арна 2022 жылдың 5 қазанынан бастап көрсетілмейді. 

"Үйдегі интернет" және  BeeTV сервисінде "Дом кино", "Победа", "О!", "Первый канал СНГ", "НТВ МИР", "Карусель International", "Россия 24", "Музыка Первого", "РТР Планета", "Время: далекое и близкое", "Телекафе", "Поехали", "Дом кино Premium HD", "Бобёр", "Россия К" арналарының көрсетілуі тоқтатылады", - делінген хабарламада. 

BeeTV Free бөліміндегі өшірілген арналардың орнына "Еврокино", "Любимое Кино", "1HD music" және "Еда Премиум HD" арналары қосылады.