Баян Есентаева бұл жолы да плагиатқа жол бере ме
Күні кеше танымал продюсер Баян Есентаева көрермендерге жаңа жобасын таныстырып, алдағы уақытта оның шығармашылығына куә болатындығымыз туралы айтқан еді.
Бұл туралы Stan.kz хабарлайды.
Жарқынай есімді бойжеткеннің көрерменге ұсынырар туындысы да дайын болып қалған сыңайлы. Алайда бітпеген істі желі қолданушылары Анна Шульгинаның “Ножевая” өлеңіне ұқсатып, плагиатқа балап жатыр.
Баян Мақсатқызы инстаграмдағы парақшасына Жарқынай Шалқарова есімді бойжеткен бейнебаянының қалай түсіріліп жатқанын көрсететін видеолар мен суреттер салған болатын. Мұнымен қатар, әр жобасының бір-бірінен асып түсетінін, олардың шын өнеріне қайта сене бастағанын жазған-ды. Алайда желі қолданушылары бейнебаянның желісі мен әнін Анна Шульгинаның “Ножевая” әніне ұқсатып жатыр. Арасында Ерке Есмаханға қатты ұқсайтынын айтқандар да бар.
Продюсердің қолға алған жаңа жобасы Жарқынай Шалқарова Шымкент қаласының тумасы. Осыған дейін көпшілікке «Жанды дауыс» жобасының арқасында танылып үлгерген. Талантының арқасында «Жанды дауыс» жобасында продюсердің көзіне түскен.
Жарқынай кәсіби биші болмаса да, мюзикл әртісі болғандықтан, қойылым барысында түрлі қимылды еркін жасайды екен.
Бейнебаян толық түсіріліп болмағандықтан, әзірге кімдікі дұрыс, кімдікі бұрыс екені белгісіз.
Естеріңізде болса, осы уақытқа дейін Баян Есентаеваның ауырып жатқаны туралы жазған болатынбыз.