"Басқаларға үлгі болсын": Автобус жүргузішісінің арбадағы адамға көмектескен әрекеті алматылықтарды сүйсіндірді
Алматылық қоғам белсендісі Евгений Мұхамеджанов қаладағы автобус жүргізушілерінің бірінің жұртты тәнті еткен игі ісі туралы айтты. Бұл туралы Stan.kz ақпарат агенттігі хабарлайды.
Фото: Евгений Мұхамеджановтың Facebook парақшасынан
Евгений Мұхамеджанов қоғамдық көлік жүргізушісінің бұл әрекеті көпшілікке үлгі екенін айтады.
“Бұл Норвегия, Германия немесе Жапонияда емес. Біздің Алматыдағы әдеттегі автобус.
Жүргізуші аялдамада арбадағы адам күтіп тұрғанын алыстан көрді. Ол адамға ыңғайлы болу үшін жол жиегіне мүмкіндігінше дәл және жақын тоқтады.
Мен де сол кезде дәл осы аялдамаға түскен едім. Не болатынын көру үшін кідірдім.
Жүргізуші автобустан шығып, ер адамға жақындады. Олар көңілді сәлемдесті. Арбадағы адам жүргізушіге арбаны әкелетін платформаны жеңіл көтеруді үшін бұрағышты ұсынды”, – деді ол.
Қоғам белсендісінің айтуынша, бұл әрекеті айналадағы баршаны сүйсіндірді.
“Жол бойы екеуі де көңілді сөйлесіп, күлімсіреді. Сол сәтте барлық мәселелер айналамызда сейіліп кеткендей болды. Құдды бүкіл әлем жарқырап кеткендей. Автобуста адамдар бұл ғажайып көріністі жымия тамашалады. Жай ғана қарапайым ғажайып оқиға.
Кез-келген жұмысты жаман немесе керемет көңіл-күймен жасауға болады. Бүгін мен автобус жүргізушісінің баршаның көңіл-күйін көтергенін көрдім. Бұл маған елімізді бұдан да жақсырақ ете алатынымызға үміт сыйлады.
Автобус нөмірі 66, мемлекеттік номері 235CU02, уақыты шамамен 11:10. Оны мақтау арқылыб асқаларға үлгі етемін деп үміттенемін. Тек осылай ғана елде мәдениет қалыптасады”, – деді Евгений Мұхамеджанов.
Осы оқиғадан соң, №66 қалалық маршруттың автобус жүргізушісі Қанат Ахметов мегаполис әкімі Ерболат Досаевтың атынан алғыс алды. Жүргізушіге бағалы сыйлық пен Алғыс хатты табысталды.
Фото: gov.kz
"Мен өз жұмысымды тек нұсқаулықта көрсетілген іс-қимылды орындау және қоғамдық көлік жүргізушісі қандай болуы тиіс екендігін түсіну арқылы жасадым. Біз жолаушыларды тасымалдап қана қоймаймы, сонымен қатар күн сайын адамдардың қауіпсіздігі мен жайлылығына мән береміз. Кез келген әріптесімнің осындай игі істі атқаратынына сенімдімін", - деді Қанат Ахметов.
Қанат Ахметов төрт баланы тәрбиелеп отыр. "Алматыэлектротранс" автобусының жүргізушісі болып бір жылға жуық жұмыс істейді.