Бас прокуратура "Өзенмұнайгаз"-дағы тендерлерді тексереді
Бас прокуратура "Өзенмұнайгаз" АҚ-да тендерлерді өткізу кезінде заңдылықты сақтау және ашықтықты қамтамасыз ету мәселелерін зерделейді деп хабарлайды Stan.kz ақпарат агенттігі.
Маңғыстау облысына орталық аппараттың ең тәжірибелі қызметкерлері қатарынан жұмыс тобы келген. "Өзенмұнайгаз" АҚ-да тендерлерді өткізу кезінде заңдылықты сақтау және ашықтықты қамтамасыз ету мәселелерін зерттеу міндеті тұр.
"Мердігер ұйымдардың қызметкерлері бұл мәселені жиі көтеріп, оны еңбек жағдайларының нашарлауымен және жалақының төмендеуімен байланыстырады. Осыған байланысты қадағалау ведомствосының қызметкерлері "Өзенмұнайгаз" АҚ-ның қаржы - шаруашылық құжаттамасын және сатып алуларында бұзушылықтар мен сыбайлас жемқорлық тәуекелдерін анықтайды", – делінген хабарламада.
Сондай-ақ Жаңаөзеннің және Маңғыстау облысының әлеуметтік-экономикалық дамуына бір мезгілде талдау жүргізіліп жатқаны атап өтілді. Талдаумен тұрғын үй және инженерлік инфрақұрылым құрылысы, кәсіпкерлікті, мәдениетті, спортты, туризмді және агроөнеркәсіптік кешенді дамыту, Денсаулық сақтау жүйесін жетілдіру және өңір үшін маңызды басқа да бағыттар саласындағы мәселелер қамтылды. Жүргізілген жұмыстың нәтижелері жұртшылыққа жеткізіледі.