Бұл жөнінде бас прокуратура жабірленуші тараптың қорғаушысы Рафик Бейсебековке жолдаған жауап хатында айтқан. Онда 2023 жылдың қаңтардың 25 күні өкілетін асыра пайдаланған 26363 әскери бөлімінің батальон командирі Жұман А. 2023 жылдың 9 ақпанында күдікті деп танылғаны айтылған. Оның әрекеті "билік өкілетін асыра пайдалану" (451-бап) бабы бойынша қаралған.

"Оған қатысты әскери бөлімнің қолбасшылығының қадағалауында болу түрінде бұлтартпау шарасы қолданылды", - делінген прокуратураның жауабында.

Бұған дейін Айкөркемнің әкесі Айдос Мелдехан іс "өкілетін асыра пайдалану" бабымен тергелгеніне және бір ғана күдікті болғанына наразылығын білдірген.

"Дүкенге бара жатқанында оқ жаудыртқан": Қаңтар оқиғасы кезінде басына оқ тиіп мерт болған 12 жастағы Сұлтан Қылышбектің ісі тоқтатылды

Қаңтарда оққа ұшқан төрт жасар Айкөркемнің ісі "өкілетін асыру" бабымен тергеліп, сотқа жіберілмек

"Әкімдікке ескерткен жоқ": Алматыдағы кәсіпорын басшылығы Айкөркемге арнап салынған муралды не себепті өшіргенін түсіндірді

Stan.kz тілшісімен тілдескен Айдос Мелдехан жас лейтенантты командир ретінде көрсетіп, күдікті етіп отырғанын айтады. Айтуынша, оқ атқан төрт адамды куәгер ретінде қараған.

"Істі осы айдың аяғына дейін сотқа жібермек", - дейді ол.

Ол сонымен қоса адвокатының істі жүргізуден бас тартып отырғанын жеткізді. Енді олар тез арада басқа қорғаушы іздеп табуы қажет екен.

Еске салайық, төрт жасар Айкөркем Мелдехан былтыр 7 қаңтарда Алматыда дүкен іздеген жақындарына ілесіп жүрген кезде оққа ұшқан. Оның 16 жастағы әпкесі жараланып, ақпанда ауруханадан шыққан. Көлікке кім оқ атқаны әлі күнге дейін белгісіз. Балалардың әкесі бұған дейін көліктен әскери оқ тапқанын хабарлаған.

Бұған дейін Айдос Мелдехан әкімдік тарапынан берілген үйге тіркеле алмай жүргенін айтқан.

Талқылау