Бас мүфти Рамазан айында азық-түлік бағасын төмендетуге шақырды
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Рамазан айының басталуына орай кәсіпкерлерді әлеуметтік маңызы бар азық-түлік бағасын төмендетуге және қоғамдық тамақтану орындарында ауызашар мәзірін халыққа қолжетімді етуге шақырды. Бұл туралы Stan.kz ақпарат агенттігі хабарлайды.
Бас мүфти Наурызбай қажы Тағанұлы Қазақстан кәсіпкерлерін қасиетті Рамазан айында әлеуметтік маңызы бар азық-түлік бағасын арзандатуға шақырды. Оның айтуынша, кафе-мейрамханалардағы ауызашар мәзірі де халыққа қолжетімді болуы тиіс.
19 наурызда Рамазан айының оразасы басталды, ол 29 күнге жалғасады. Қадір түні 16 наурыздан 17 наурызға қараған түні өтеді, ал Ораза айт 20 наурызда атап өтіледі.
"Аллаға шүкір, Рамазанның ізгі дәстүрлері мәдениетіміздің бір бөлігіне айналып, ұрпақтан-ұрпаққа жалғасып келеді. Кәсіпкерлерді әлеуметтік маңызы бар азық-түлікке жеңілдіктер жасауға шақырамын. Рамазан айына сәйкес келетін ас-берулерді ауызашар уақытында өткізіп, сауапты істерді көбейтейік", – деді бас мүфти.
Сондай-ақ ол қоғамдық тамақтану орындарында ауызашар мәзірінің бағасын қолжетімді етудің маңызын атап өтіп, бұл айда дүкендерде алкоголь сатпауға шақырды.
Еске салайық, бұған дейін Павлодар облысының бас имамы Жолдас қажы Қоспақұлы Рамазан айында жаназа мен марқұмға арналған асты күндіз бермеуге шақырған еді. Оның айтуынша, ораза кезінде мұндай шараларды ауызашар уақытына қалдыру шариғат талаптарына сай. Қазақстан мұсылмандары діни басқармасы да Рамазан айында күндіз ас беру дінде құпталмайтынын растады.
"7 миллиард теңгеге жуық": Алматы әкімін қамтамасыз етуге премьер-министрден көп қаржы жұмсалады
