"Барлығы өтірік": Оралда коронавирусты жұқтырғандар емделуден бас тартып, ауруханадан кетуге тырысты

БҚО-да Сovid-19 инфекциясын жұқтырды деп ауруханаға жатқызылған науқастар емделуден бас тартып, үйлеріне жіберуді талап еткен. Бұл туралы Stan.kz ақпарат агентігі "Мой город" басылымына сілтеп хабарлайды. 

орал

"1 мамыр күні сағат 14: 15-те облыстық жұқпалы аурулар ауруханасының 30-ға жуық пациенттері мекеменің ауласына шығып,  үйлеріне жіберуді талап етеді. Барлығында КВИ диагнозы расталғанымен, вирустың айқын белгілері жоқ екенін алға тартып, аурухананы тастап кетуге тырысқан. 

Науқастар дәрігерлердің айтқанына құлақ аспағандықтан, оқиға орнына жедел полиция қызметкерлері келген. БҚО ІІД-нің жергілікті полиция қызметкерлері түсіндіру жұмыстарын жүргізіп, 14.45-те ауруханаға жатқызылғандардың барлығы палаталарға тарады. Қоғамдық тәртіп бұзылмаған", - деді полиция мәлімдемесінде.

Облыстық жұқпалы аурулар ауруханасында ем қабылдап жатқан науқастар көшеге шығып, бас дәрігермен немесе облыс әкімімен кездесуді талап еткен. Олар дендері сау екеніне сенімді. Науқастардың бірі Мұхитден 19 сәуірде коронавирусты инфекциямен ауруханаға жатқызылғанын айтты. Осыған қарамастан, ол өзін жақсы сезінеді және денсаулығына қатысты ешқандай шағымы жоқ екенін айтады. 

– Мен 19 сәуірден бері ауруханада жаттым, көпшілік науқастың нәтижелері теріс. Дәрігерлер бізді еске алған кезде ғана келеді. Бізді бұл жерде не үшін ұстап отырғанын түсінбеймін. Біз талдауларды тиісті түрде қабылдап, бізді үйге жіберуін талап етеміз, - дейді ер адам.

Науқастардың бірінің жұбайы Светлана оны аурухана аумағына кіргізбейтінін айтады.

– Біз онда не болып жатқанын білмейміз. Олардың сыртқа шыққанын алыстан көреміз, бірақ ештеңе жасай алмаймыз, - дейді әйел.

Облыстық жұқпалы аурулар ауруханасының басшысы Надия Ахметова 1 мамыр күні коронавирусты инфекциясын жұқтырған науқастар бөлімшенің пластик есіктерін ашып, көшеге шыққанын хабарлады.

Қазір БҚО денсаулық сақтау басқармасының өкілдері оқиғаның барлық қатысушыларымен түсіндіру жұмыстарын жүргізуде.

Талқылау
Пікір
Қазір оқып жатыр
Çàãðóçêà...
Қазір оқып жатыр