"Балыққа емес, бетіне қарадық": Роза Рымбаева жарнама жасаймын деп сынға қалды

Фото: Видеодан скриншот

ҚР Халық әртісі Роза Рымбаеваның бет-әлпетінің өзгеріп кеткені желіде қызу талқыға ұласты. Бұл туралы Stan.kz ақпарат агенттігі хабарлайды. 

Өнер иесі видеода ешқандай бояусыз балыққа жарнама жасап, асүйде жүргенін көруге болады.

“Балық жегіміз келеді. Бүгін қызыл балыққа тапсырыс бердік. Осыған дейін қуырдақ жеп едік. Бүгін балық жейміз. Отбасылық кешкі асқа, қонақ келгенде балыққа тапсырыс береміз”, – дейді халық әртісі. 

• "Көзім көрмей, аяққа тұра алмай қалдым": Қызылордалық әйел косметологтың емінен кейін ауыр дертке шалдыққан

• "Өзімді қыздай сезініп тұрмын": Наркенже Серікбаева пластикалық ота жасатты

Алайда, көпшіліктің назары жарнамаға емес, әншінің бет-бейнесіне түскен. Желі қолданушыларының айтуынша, өнер жұлдызы ота жасатқаннан кейін қатты өзгеріп кеткен, "тіпті танымай қалдық" дегендер де бар.

“Балыққа емес, бетіне қарадық”, “Табиғи сұлулығын құртыпты”, “Ботокстан бетін тани алмай қалдық”, “Жасанды әсер беріп тұр”, “Өмір бойы сүйікті әншіміз болып келген соң мұндай түріне үйрену қиын” деген сынды пікірлер жазылды.