Балаларда коронавирустың негізгі белгілері қалай байқалады: Ғалымдар айтып берді

Ғалымдар балаларда коронавирус белгілері қалай байқалатынын айтты, деп хабарлайды Stan.kz ақпарат агенттігі LoS Medicine басылымына сілтеме жасап. 

Әлемдік пандемияға зерттеу жүргізіп жатқан ғалымдар балалардың өкпесі бірден қабынбайды, оларда алдымен жүрек айну, құсу, дене қызуы болады дейді. 

"Балаларда коронавирустың негізгі белгілері дене қызуы, диарея және құсу болып табылады. Балалардағы өкпе проблемалары кейінірек пайда болатындығы айтылды", - деп атап өтті ғалымдар.

Алайда ғалымдар балаларда да жөтел болатынын ескертеді. Олар өздерінің статистикалық деректерін келтіре отырып, балаларыңыздың қызуы көтерілсе, бірден дәрігерге жүгініңіз дейді.

"Жиналған мәліметтер көрсеткендей, ауру балалардың 76% -ы дене қызуы, ал ересектер арасында - 44%. Балалардың 62% -ында қатты жөтел, 12% -ында диарея және құсу болған", - дейді ғалымдар.