БАҚ: Киев орталығында жарылыс болды

Киевте шамамен түнгі бірде жарылыс болды.

Жарылыс толқынынан қаладағы Владимирская көшесіндегі 4-үйде банк пен мейрамхана орналасқан бірінші қабаттың терезелері сынды, деп хабарлайды 112.ua.

Сондай-ақ, жақын маңда тұраққа қойылған автокөліктерге зақым келді. Оқиға орнында құқық қорғау органдарының қызметкерлері жұмыс істеуде. Қаза тапқандар мен жараланғандар туралы ақпарат жоқ.

Бұған дейін Санкт-Петербург метросы мен Мысырдағы шіркеу маңында екі бірдей жарылыс болғанын хабарлаған едік.