Министр интернеті нашар болғандықтан KCell компаниясына айыппұл салды

Цифрлық даму, инновация және аэроғарыш өнеркәсібі министрі Бағдат Мусин ресми шағым түсіру арқылы сапасыз интернет мәселесін шешуге болатынын айтты, деп хабарлайды Stan.kz ақпарат агенттігі. 

Түркістан облысына жұмыс сапары кезінде министр екі ауылда интернеттің әлсіз екенін байқады. Интернеттің сапасын бақылауға арналған арнайы жабдықтың көмегімен қосылу жылдамдығының сәйкес өлшемдері жүргізілді. Қазақстанда осындай 17 қондырғы бар.

"Операторға айыппұл жазылды. Айыппұл салғаннан кейін біз интернеттің сапасына қатысты мәселелерді шешуге екі ай уақыт бердік. Егер бұл заң бұзушылықтар жойылмаса, онда біз қатаң шаралар қолдануға құқығымыз бар", - деді Бағдат Мусин брифинг барысында.

Министр оқиғаның Kcell-мен болғанын айтты.

"Біз 200 мың теңге айыппұл салу аз деп ойлаймыз. Айыппұл мөлшерін он есе көтеру керек. Депутаттармен талқылау жүріп жатыр. Дұрыс жұмыс жасамағаны үшін байланыс операторларына айыппұл салуда минималды шекті мөлшерде екі миллион теңге болады", - деді Бағдат. Мусин.

Министрдің айтуынша, биылғы жылы байланыс пен интернет сапасының стандарттары да анықталды. Мысалы, 4G үшін минималды қажеттілік - секундына бес мегабит, ал 3G үшін - секундына 1,5 мегабит.

Сонымен қатар, көп пәтерлі тұрғын үйлерді салу кезінде енді интернетпен қамтамасыз ету үшін оптикалық-талшықты электр беру желілері қосылатын болады. Егер бұрын үй кәдімгі интернетсіз жалға берілсе, енді бұл талап барлық құрылыс салушылар үшін міндетті болады.