AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
Соңғы жаңалықтар
Соңғы жаңалықтар

Алматы мен Нұр-Сұлтандағы бағалармен бірдей: Түркістанда үй қымбаттап кеткен

Түркістанда қолданыста болған пәтерлермен қоса, жаңа үйлердің де бағасы аспандаған. Тұрғындардың айтуынша, үйдің бағалары Шымкент пен Нұр-Сұлтаннан кем түспейді. Қазір шаһарда 15 миллионға үй табу мүмкін емес, деп хабарлайды Stan.kz ақпарат агенттігі "Хабар 24" арнасына сілтеме жасап.

Түркістан қаласында 150 шақты көпқабатты үйлер бар. Тұрғын үйлерге деген сұраныс саны өскендіктен, баға да шарықтап тұр. Осыдан 3 жыл бұрын қала орталығындағы тұрғын үйлер 3 миллион теңгеден басталған болса, қазір бұл көрсеткіш бірнеше есе ұлғайған.

“Алдыңғы жылдың күзінде салынған үй осы уақытқа дейін екі рет сатылымға қойылған. Алғашқы иесі үйді 6 миллионға сатып алып, кейін 9 миллионға өткізді. Сол ақшаға сатып алған екінші қожайыны уақыт өте келе 13 миллионға маған сатты. Үй бір бөлмелі. Өсіп, көбейіп жатқан отбасыға тар етеді. Ал қаладаға екі-үш бөлмелі үйлерді тіпті, 20-25 миллион теңгеге табу қиын!” – дейді қала тұрғыны Өркен Мырзабек.

Бағаның өсуіне алыпсатарлардың да тікелей қатысы бар. Олар жаңадан салынған құрылысты көп мөлшерде сатып алып, кейін екі-үш есеге қымбат бағамен қайта сатады. Бұндай әрекеттер мемлекет құзырында емес. Сол себепті де тұрғын үй құны өсу үстінде. Мәселен, шаршы метрінің өзі 320 мың теңгені құрайды.

"Шаршы метрдың құны құрылыс материалдарының санына орайластырылып қойылған. Арматура, терезе, цемент тағы басқа заттар бар. Олардың бағасы қымбаттаған. Мысалы біз құрылысты енді бастаған кезеңдерде арматура бағасы 220 теңге болатын, қазір 420. Сәйкесінше, үй бағасы да қымбаттайды”, – дейді құрылыс компаниясы директорының орынбасары Сапар Ауласов.

Жалдамалы пәтерлер ақысы да арзан емес. 2018 жылдың өзінде Түркістанға Шымкенттен мыңнан аса мемлекет қызметіндегілер көшіп келген. Олардың барлығын баспанамен қамту мүмкін болмағандықтан, пәтер жалдауға тура келеді. Қазір жалдамалы пәтер құны орташа есеппен 100 мың теңгені құрайды.

Түркістандағы үйлер жаңа эксклюзивті өнім түрі болғандықтан, тұрғындар бұл мүмкіндікті барынша пайдалануға тырысады. Сондықтан бағаны да қымбатқа қояды. Салыстыра келе, Түркістандағы тұрғын үйлердің бағасы үлкен қалалар Нұр-Сұлтан, Алматы шаһарындағы баспана бағасынан кем түспейді”, – дейді экономист Сәбит Баймағанбетов.

Дегенмен сарапшылар жылжымайтын мүлік бағасының тұрақталатынына сенеді. Ол үшін құрылыс санын арттыру керек. Соңғы екі жылда Түркістан қаласына 44 көп қабатты үйлер салынған. Тағы 66-сы осы жылдың соңына дейін пайдалануға беріледі деп жоспарлануда. 

Талқылау
Пікір
Қазір оқып жатыр
Қазір оқып жатыр