Азат Мақсұм UFC Abu Dhabi турниріндегі жекпе-жегі алдында жарақат алып қалды
Қазақстандық аралас жекпе-жек майталманы Азат Мақсұм кезекті жекпе-жегінің алдында жарақат алып қалды. Бұл туралы Stan.kz ақпарат агенттігі хабарлайды.
Фото: Brave FC
Азат Мақсұм 3 тамыз күні, Абу-Даби қаласында өтетін UFC Abu Dhabi турниріндегі жекпе-жегінің алдында аяғынан жарақат алып, жарысқа шыға алмайтын болды. Отандасымыз UFC тұжырымындағы үшінші жекпе-жегін Асу Алмабаевтан жеңіліп қалған Си Джей Вергараға (12-5-1) қарсы өткізуі керек еді. Алайда Азат жарақат алғаннан бір күн бұрын Вергара да жарақаттанып, жекпе-жектен бас тартқан. Артынша Азат та жаттығу барысында аяғын жарақаттап алған.
Айта кетейік, Азат Мақсұм UFCFight Night 235 турнирінде америкалық Чарльз Джонсонмен жұдырықтасып, алғаш рет мансабында жеңіліп қалған еді.
Талқылау
