"Айтжановтың төккен терін бағалаймыз": Бокс федерациясы бұрынғы бас бапкер Мырзағали Айтжановқа қолдау көрсетті
Қазақстан бокс федерациясының президенті Шахмұрат Мүтәліп Қазақстан ұлттық құрамасының бұрынғы бас бапкері Мырзағали Айтжановқа құрмет көрсетті. Бұл туралы Stan.kz ақпарат агенттігі хабарлайды.
ҚР Еңбек сіңірген жаттықтырушысы Мырзағали Айтжановқа қызметінен кеткеннен кейін иығына шапан жабылып, бағалы сыйлықтар табысталды.
"Мырзағали Құланұлының Қазақстан боксына сіңген еңбегі зор. Бүгінгі күнге дейін былғары қолғап шеберлерін дайындауда төккен маңдай терді бағалаймыз және сізге алғыс айтамыз", – деді бокс федерациясының президенті Шахмұрат Мүтәліп.
Айта кетейік, бокстан Ұлттық құраманы 2023 жылдың қаңтарынан бастап баптаған Мырзағали Айтжанов Париж олимпиадасынан соң қызметінен босатылған еді. Кейін Қайрат Сәтжанов бас бапкер болып тағайындалды. Мырзағали Айтжанов 2009-2018 жылдар аралығында да ұлттық құраманың бас бапкері болып қызмет атқарды.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді