Айгүл Иманбаева ұлының әкесінен асқан режиссер болатынын айтып мақтанды

Әнші әрі актриса Айгүл Иманбаева Сәбит Әбдіхалықов екеуінің ұлының болашақ режиссер екенін айтып мақтанды.

Бұл туралы Иманбаева “Астана” арнасының “Ел аузында” бағдарламасында айтты, деп жазады Stan.kz.

“Ұлымның табиғаты өте нәзік, романтик. Жаны қияли, ұшқанды жақсы көреді. Еуропада кино, режиссура мамандығы бойынша академияда оқиды. Екінші курсқа көшті. Әзірге үйленемін деп жатқан жоқ. Бірақ өзі кітап оқығанды жақсы көреді. Осы жазда екеуміз жарыса кітап оқыдық. Мен 4, ол 6 кітап оқыды”, – деп бөлісті Айгүл Иманбаева.

Иманбаева болашақта ұлының әкесінен де асқан режиссер болатынына сенімді.

“Көп жағдайда ұлыма кеңістік беруге тырысамын, қыспаймын. Өйткені өзінің жөнін, жолын білетін бала. Енді 19-ға келген баланы тәрбиелемейміз ғой. Беретін тәрбиені 9-10 жасқа дейін бердік. Әрі қарай бала әжесінен, әкесінен, анасынан көргенін түйіп келе жатыр”, – деп түсіндірді актриса.

Жіберіп алмаңыз:

Сырға таққан Әлішер Кәрімов өзін сынағандарға жауап берді

Мәди: Әкемнің көзі тірі болса, Рымбаев деген тегіме қарсы болмас еді

Баян Мақсатқызының экс қайын әпкесі: Бізді бар шындықты айтуға мәжбүрлемесін

Ерке Есмаханның даусымен ән айтқан Серік Ибрагимов желідегілерді күлдірді (видео)