Жерлеу рәсімі баланың әкесі тұратын Шет ауданындағы Жарық ауылында өтпек. Максим Рафаил Гарифулиннің жалғыз баласы. Оның сөзіне қарағанда, бұрынғы әйелі, ұлының анасы Ника Васильева мен оның туыстары баласымен сөйлесуіне кедергі жасаған. Жүрегі ауырған әке баланың өліміне кеше ғана ұсталған қылмыскер Игентай Сопыжанов ғана емес, баланың анасы да кінәлі деп санайды.

«Бұл кездейсоқтық емес. Бұл екеуінің де кінәсі. Бала солардың кесірінен қайтыс болды. Анасының немқұрайлылығынан. Ол оның қолынан ұстап алған кезде жүгірмеді. Бір сағаттай тұрды. Оны жақсы көретін кез келген ана балаға жүгіріп барады, тістеп, тырнап алады, мен неге олай етпегенін білмеймін. Ол тыныш тұрды. Мұны көрген адамдар бар. Ал, өзі керісінше баланың артынан жүгіргенін айтады», - дейді Рафаил Гарифулин.

Рафаил Гарифулиннің айтуынша, осыдан кейін Вика учаскелік полицияны шақырған.

«Қылмыскер Викамен кездесуді талап етті. Ол оның жалғыз келуін талап еткен. Ол бармады. Өйткені одан қорқатын», - дейді Рафаил.

Бұрын Игентай Сопыжанов пен Ника бір ауылда тұрды. Бірақ Виканың тәтесі оған қарсы болды. Сонда Игентай 17 жаста еді. Ол тәтесін аңдып жүріп балтамен өлтірген. Осы уақыт аралығында Ника Рафаил Гарифулинге үйленіп, балалы болды. Алайда ажырасып кетті.

«Біз маусым айында үйлендік. Анаммен Жарық ауылында тұрдық. Қараша айында мен туберкулезбен ауырып, ауруханасына бардым. Әйелім ауылына кетіп қалды. Ол ажырасуға өтініш берді. Сопыжанов түрмеде отырғанда ол оның ата-анасының үйіне барып, қашан келетінін сұрап, күтіп жүрді. Мүмкін бұл менің күдігім, кінәлағым келмейді. Меніңше, олар анамнан және менен ақша сұрауға келіскен сияқты. Олар ұлымыз үшін бәрін беретінімізді білді», - деді Рафаил.

Өз кезегінде баланың анасы түсінік беруден бас тартты.

Бұған дейін Қарағанды облысында ұрланған бала өлі күйінде табылған еді. Еске салсақ, 5 қыркүйек күні дүкеннің жанында бір ер адам 22 жастағы танысына жүгіріп келіп, үш жасар баланы қолынан тартып алып, содан кейін хабарсыз кеткен. Баланы өлтірген күдіктіге республикалық іздеу жарияланды.

Талқылау