Әйел өрттен құтқару үшін балаларын көп қабатты үйдің терезесінен лақтырды (видео)

Новосибирскі тұрғыны үлкен тәуекелге барды. Анасы балаларын құтқару үшін оларды көп қабатты үйдің терезесінен лақтыруға мәжбүр болды, деп хабарлайды Stan.kz ақпарат агенттігі. 

Таңертең ерте, барлығы ұйықтап жатқанда, пәтерден өрт шықты. Түтін бөлмелерге жайылып, шығатын жер болмады. Әйел терезесін ашып, көмекке шақырудан басқа амалы қалмады. Оны басқа тұрғындар естіп, көмекке келді. Олар балаларды төменнен қағып алу үшін терезенің астына көрпе ұстап тұрды.

Жоғары қабатта тұратын көршілер анасы мен тағы үш ересек баласын құтқарды. Олар арқанды түсіріп, өртте қалғандарды өз пәтеріне кіруге көмектесті.