"Аяз басылады": Синоптиктер алдағы демалыс күндеріне арналған ауа райы болжамын жариялады
Синоптиктер Қазақстан бойынша 16-18 желтоқсанға арналған ауа райы болжамын жариялады. Деректерге сай ел аймақтарында аяздың бәсеңдеуі күтіледі. Бұл туралы Stan.kz ақпарат агенттігі хабарлайды.
Сурет pexels-тен
Осы аптада Қазақстанның бірнеше аймағында аязды ауа райы сақталған еді. Синоптик болжамына сәйкес алдағы күндері антициклон солтүстік-шығысқа қарай жылжып, осыған байланысты аяз басылады. Солтүстік Атлантикада пайда болған циклон жырасы республиканың батысынан жылжи бастайды. Сол себептен жауын-шашын мен қардың жаууы болжанып отыр. Салдарынан бұрқасын, көктайғақ және желдің күшеюі күтіледі. Циклон кейін басқа аймақтарға да жылжиды.
Түнде ауа температурасы батыста 0-10 градус аязға дейін, солтүстік-батыста, солтүстікте, орталықта, оңтүстікте және оңтүстік-шығыста 5-15 градус аязға дейін біртіндеп жоғарылайды. Бірақ шығыста 22-35 градус аяз әлі де сақталады.
Талқылау