Соңғы жаңалықтар
Соңғы жаңалықтар

Ай тұтылады: Қазақстандықтар ерекше құбылысты қай кезде тамашалай алады

Сейсенбі, 8 қарашада Қазақстанның бірқатар өңірінің тұрғындары Айдың толық тұтылуын тамашалай алады. Бұл құбылысты тұрғындар "қанды ай" деп атайды, деп хабарлайды Stan.kz ақпарат агенттігі Sputnik Қазақстан порталына сілтеме жасап.

 

Манаш Қозыбаев атындағы Солтүстік Қазақстан университетінің профессоры Андрей Солодовник Ай тұтылуының барлық фазасы Тынық мұхиты мен оның аралдарындағы ауқымды кеңістікте байқалатынын жеткізді. Ал Қиыр Шығыс пен Шығыс Сібір елдерінің тұрғындары үшін тұтылудың көріну деңгейі әлдеқайда жоғары болады.

"Алайда біз үшін және Қазақстан мен Ресей көршілері үшін бұл құбылыс Ай шығудан бұрын басталады.Тіпті оның толық фазасының басында және ең жоғарғы шегінде Ай аспанда әлі көрінбейді. "Түнгі Күннің" шығуы фазаның аяқталуына қарай 17 сағат 25 минутта басталады. Айдың толық дискісі көкжиектен 17 сағат 30 минутта аспанның солтүстік-шығыс бөлігінде шығады. Бірақ тұтылудың толық фазасы тек 17 сағат 42 минутқа созылады. Яғни, Петропавлда тұтылуды бақылаудың жалпы кезеңі шамамен 12 минутқа созылады", - деді астроном.

Оның айтуынша, бақылаушы неғұрлым шығысқа қарай орналасса, бұл аралық соғұрлым ұзағырақ, ал батысқа қарай болса, соғұрлым аз болады. Республика аумағының басым бөлігінде (Қостанай сызығының батысында – Балқаштың батыс жағалауы) толық тұтылу мүлде байқалмайды, құбылыстың тек жартылай фазалары көрінеді.

“Айдың тұтылуының қайталану жиілігі – жылына екі-үш рет. Бірақ ол жылдан жылға бола бермейді, шамалы ауытқулар бар. Айдың тұтылуы күн тұтылуына қарағанда екі есе сирек болады”, – дейді профессор. 

Талқылау
Қазір оқып жатыр
Қазір оқып жатыр