Ауыл шаруашылығы министрінің үстінен жалған ақпарат таратты деген айыппен арыз жазылды
Фото: primeminister.kz
Танымал журналист ауыл шаруашылығы министрі Айдарбек Сапаровты жалған ақпарат таратты деп айыптап, үстінен арыз жазды. Бұл туралы Stan.kz ақпарат агенттігі хабарлайды.
Бұл туралы журналист Кирилл Павлов өзінің Telegram-арнасында мәлімдеді.
"Қазақстанның сүт өнімдерімен өзін-өзі 100% қамтамасыз ететітіні туралы көрінеу жалған ақпарат таратқаны үшін ауыл шаруашылығы министрі Сапаровтың үстінен Астана полиция департаментіне арыз жаздым", – делінген журналист жазбасында.
Кирилл Павлов президент әкімшілігінен арызға қатысты жағдайды бақылауға алуды сұрады.
"Ресми статистика мен халықаралық деректер базасына сәйкес, 2024 жылы Қазақстан 183 мың тонна сүт пен сүт өнімдерін 410,7 миллион долларға импорттаған (Ұлттық статистика бюросы, UN Comtrade, БАҚ деректері); ірімшік пен сүзбе нарығындағы импорт үлесі 48%-ға, ал май мен сүт-май өнімдері бойынша 15%-ға жетеді (салалық қауымдастықтардың деректері)", – дейді журналист.
Еске салсақ, бұған дейін ауыл шаруашылығы министрі Айдарбек Сапаров картоп, пияз және сәбіз бағасын атаған еді.
Алматыда қала күнін тойлауға миллиондаған қаражат жұмсалған: Тұрғындар қаладағы шешілмеген мәселелерге шағымданды
