Ауа райына байланысты Астана-Щучье жолы жабылды
Астана — Щучье бағытында жол қозғалысына шектеу қойылды. Бұл туралы Stan.kz ақпарат агенттігі хабарлайды.
4 қаңтар 08.00-дегі жағдай бойынша боран, жел, жолдың нашар көрінуіне байланысты Астана — Щучье бағытында жол жабық.
"ҚазАвтоЖол мәліметі бойынша, ауа райының нашарлауына байланысты Астана-Петропавл тас жолының учаскесінде көліктің барлық түрлері үшін қозғалыс жабылды. Жылыту орнында 118 адам бар, оның ішінде 42 бала", – делінген хабарламада.
Бұған дейін “Астана-Щучье” тас жолында жаппай көлік апаты болды. Құтқарушылар 63 ересекті және 8 баланы эвакуациялады.
Жолда қалған 118 адам Щучьедегі жылу орталықтарына орналастырылды.
Талқылау