Балалар үйінің түлегі суға секіруден Қазақстан чемпионатында күміс медаль еншіледі
Атыраудағы Қозыбаев атындағы балалар үйінің түлегі Артем Карепанов суға секіруден ҚР чемпионатында күміс жүлде иеленді. Бұл туралы ҚазАқпарат хабарлайды.
Суретте: Артем сол жақта
“Атырауда трамплиннен суға секіру – мүлде жаңа спорт түрі десек болады. Сол себепті Карепановтың күміс жүлдесі біз үшін сенсация. Ол осы жетістікке жету үшін небір мықты спортшылармен таласты. Артем тағы бір күміс жүлдені Роман Розыбакиевпен бірге жұптасып өнер көрсету бойынша алды. Болашақта Артем Атырауға келген украиналық спортшы Алес Пригоровпен бірге де жарыстарға қатысуы мүмкін. Біздің басты мақсатымыз – 2018 жылғы Азия ойындары мен 2020 жылғы Олимпиада ойындары”, – деді Артемнің бапкері Владимир Молчанов.
17 жастағы Артем осылайша облыс тарихында суға секіру бойынша спорт шебері талабын орындаған алғашқы спортшы атанды.
Алматыдағы ел чемпионатында Артем жалғыз секіруде екі алтын, үш қола алды. Бұл оның жастар арасындағы көрсеткіші. Ал қос күмісті ол ересектер арасындағы бағдарламада еншіледі.
Оны қазірдің өзінде Астана және Алматы құрамалары өз қатарларына шақырып жатыр екен. Бірақ, Атырау талантты спортшыны жібергісі келмейді.
Оқи отырыңыз:
Бокстан Қазақстан ұлттық құрамасының жаңа құрамы жарияланды
Жәнібек Әлімханұлы Жармановты екі рет нокдаунға түсіріп чемпион атанды
Аршавин марапаттау рәсімінен соң Қазақстан кубогы финалисі медалін лақтырып жіберді
Вице-министр Илья Ильиннің қанына допинг қалай тап болғанын айтып берді