Атырауда төрт бала өрт шыққан үйде қалып қойды

Атырауда өртке оранған үйде төрт бала қалып қойды. Бұл туралы облыстық ТЖД баспасөз қызметіне сілтеме жасап Stan.kz хабарлайды. 

Өрт "Авангард 4" ықшам ауданындағы 5 қабатты үйден шыққан. 
"Өрт туралы ақпарат 7 шілде күні сағат 06.20-да келіп түсті. Өрт сөндірушілер баспалдақ маршының көмегімен төрт баланы құтқарып қалды", - делінген хабарламада.

Ауданы 15 шаршы метр болатын жатын бөлме өртенген. Өрт 06.50-де ауыздықталды. 

2003 жылы туған бала иіс газына тұншығып, ауруханаға жатқызылды.