Атырауда тентек жүргізуші жылдамдықты асырғаны үшін рекордты көлемде айыппұл төлейтін болды
31 шілдеде Атырауда патрульдік полиция қызметкерлері 31 жастағы "Приора" көлігінің жүргізушісін тоқтатты. Ол Ресей нөмірімен заң бұзушылықтар бойынша рекорд орнатты.
"Кордон-М" радиолокациялық жүйесі жылдамдықты асырудың 43 фактісін тіркеді.
"Ақылды технологиялар соңғы екі айда заңбұзушылықтарды тіркеді. Дабыл түскеннен кейін, бейнебақылау жүйесінің операторлары көлікті қалалық автомобильдер ағынымен бақылап, жақын маңдағы патрульге бағыттады. Полиция құқық бұзушыға салынған айыппұлдардың жалпы сомасын шығарды. Бұл сома 782 750 теңгені құрады", - деп хабарлады Атырау облысы Полиция департаментінің баспасөз қызметі.
Жүргізушімен алдын-ала әңгіме өткізілді, оған айыппұлдарды жеңілдетілген төлеу әдісі түсіндірілді. Ол бір апта ішінде қарызды төлеген кезде 50% жеңілдік қарастырылған. Айыптының көлігі айыптұрарғына орналастырылған.
Еске салсақ, өткен жылы Атырау облысында 17 «Кордон-М» және 4 смарт-камераның көмегімен 32879 жол қозғалысы ережелерін бұзу оқиғасы тіркелді, айыппұлдардың жалпы сомасы 260 миллион теңгені құрады.