Атырау қаласының әкімі қанша жалақы алатынын айтты
Атырау қаласының әкімі Мейірім Қалауи қанша жалақы алатынын айтты деп хабарлайды Stan.kz ақпарат агенттігі.
Мұны “Обожаю” Youtube-арнасының журналисі Асхат Ниязов сұрап білді.
"Жалақым бүгінде 840-850 мың теңгеге жетті. 300 мың алдын-ала төленеді, содан кейін 500 мың беріледі. Бұған дейін NurOtan (Қазіргі Amanat) партиясы облыстық филиалы төрағасының бірінші орынбасары бола тұра, 350 мың теңгеге жуық жалақы алдым", – деді қала басшысы.
Әкімге жер учаскесі тегін берілгені белгілі болды. Сондай-ақ ол пәтер үшін12 жыл ипотека төлегенін айтты. Ата-анасы өз үйлерін өздері салған. Әкесі Атырау мұнай өңдеу зауытында жұмыс істеген, ал анасы мұғалім.
Мейрім Қалауи 2022 жылдың 4 наурызда Атырау қаласының әкімі болып тағайындалды.
Талқылау