Атырау қаласында үшем дүниеге келді

Атырауда 22 жастағы Аянгүл Сабитова есімді келіншек үшемді дүниеге әкелді, деп хабарлайды Stan.kz ақпарат агенттігі.

Көрнекі сурет

Отбасы күні қарсаңында туған үшемдер – ер балалар. Екі сәбидің салмағы –  1 кг 800 г, ал үшіншісі – 2 кг 200 г.

“Ана да, балалар да өздерін жақсы сезінеді. Үшемдерді анасының жанына орналастырдық. Қазіргі таңда ауруханада дәрігердің бақылауында”, – деп мәлімдеді перинаталды орталықтың шала туған нәрестелерді күту бөлімінің меңгерушісі Турлен Бегеева .

Жас ана үшемді 34 ай мерзімінде кесар тілігі көмегімен босанған. Жедел отаны орталық директорының меңгерушісі, акушер-гинеколог Асқар Кенжеғалиев жасады.

Соңғы 8 айда Атырау облысында 11 мың 333 бала дүниеге келген. Оның 114-і егіздер.