Асылхан Төлепов Баян Есентаеваға күйеу бала болмақ
Көпшілікке “Жаужүрек мың бала” фильмі арқылы танылған Асылхан Төлепов продюсер Есентаеваға күйеубала болмақ. Бірақ шынайы өмірде емес, “Еркемін” атты кезекті бейнебаянда. Аталған туындыда актер Ерке Есмаханның ғашығын сомдайды.
Фото: instagram.com/bayanyessentayeva_/?hl=ru
Бұл туралы Stan.kz хабарлайды.
Сәуірдің 10-ы күні Асылхан Төлепов Есентаева ханымның Алматының төріне жайғасқан Central дәмханасына қонақ болып барған-ды. Бұл кездесудің себебі белгілі болды. Актер Ерке Есмаханның кезекті бейнебаянына түспек.
Шоу-бизнес саласында он жылдан бері тәжірибе жинап үлгерген Есентаева ханым халықтың талғамын танып білген сияқты. Ерке Есмаханға арналған кезекті туынды ретро стильде болмақ. Бейнебаян “Еркемін” атты әнге түсіріледі.
Аталған әннің үзіндісі бірнеше күн бұрын тыңдармандарға ұсынылған болатын. Махаббат тақырыбына арналған бейнебаянда ғашықтар рөлін Асылхан Төлепов пен Ерке Есмахан сомдайды. Бейнебаяннң көрерменге қашан жол тартатыны әзірге белгісіз.
Естеріңізге сала кетсек, Төреғали мен Еркенің арасындағы бітіспес даудың неден басталғанын хабарлаған болатынбыз.