Астананың 20 жылдығына арналған брендбукті таңдау конкурсы 6-27 қараша аралығында өтеді. Үздік логотипті сараптама комиссиясы 10 желтоқсанға дейін шығармашылық шеберханалар, жарнама агенттіктері мен фирмалар, суретшілер, сәулетшілер, жобалық ұйымдар, авторлық ұжымдардан түсетін жұмыстардың ішінен таңдап алмақ.

Астана қаласының 20 жылдығын білдіретін үздік брендбукты (BrandBook) таңдау конкурсын өткізудің мән-мағынасы туралы Астана қаласының ішкі саясат басқармасының басшысы Ерлан Каналимов айтып берді. Оның сөзіне қарағанда, аталған логотип Астананың 20 жылдығына арналған барлық іс-шараларда қолданылып, қала көшелерінде жарқырап, сувенир ретінде де пайдаланылатын болады.

“Конкурсты не үшін жарияладық дейсіз ғой?! Әр мерекенің, мерейтойдың өзіндік идеологиялық платформасы, өзіндік мәні болады. Республикалық, халықаралық деңгейдегі әр шараның таңбасы, ұраны болады. Ал ел тарихындағы Астананың орны ерекше. 20 жылдық оқиғаның тарихи маңыздылығын ескере отырып, осы оқиғаға арнап брендбукты таңдауға бағытталған конкурс жарияладық. Мерейтойлық стильдегі таңба қаланы әшекейлеу бұйымы ретінде, сувенир ретінде, Астана қаласының 20 жылдығын атап өту, ақпараттық себепті қалыптастыруға бағытталған жарнамалық, маркетингтік және басқа да шараларда әрі қаланың мәдени, туристік және әлеуметтік потенциалын жақсарту мақсатында да пайдаланылады”, – деді ол.

Конкурс қорытындысы бойынша үздік деп танылған брендбук авторы 8 миллион теңгеге ие болады.

Жіберіп алмаңыз:

Атырауда қоқыс жәшігінің жанынан нәресте табылды

Айқынмен ара-қатынасын жасырған Жұлдыз Өмірғали балалы болғанын мойындауға мәжбүр болды

Дубайда демалып жатқан Айдарбековтер отбасы елді қызықтырды (фото, видео)

«Меломен» тобы: Нағыз еркек тоқал алуы тиіс

Талқылау