Астанадағы лэд-экранда Ресей туының орнына Украина туы қойылған: Жауаптылар түсіндірді (видео)
Әлеуметтік желіде Астанадағы лэд-экрандардың бірінде Ресей туының орнына Украина туы қойылғаны түсірілген видео тарады. Бұл туралы Stan.kz ақпарат агенттігі хабарлайды.
Видеодан скрин
Желіде тараған видеодан Астана опера театы маңындағы лэд-экраннан көк және сары түсті Украина туын анық байқауға болады. Видеоның жазбасында мұның хакерлердің ісі екені жазылған.
Алайда лэд-экранға жауапты “Керуен Медиа” компаниясының өкілінің айтуынша, бұл жағдай кабельдік ақауларға байланысты орын алған.
Ту ұстаған балалар мен құрмет қарауылы: Владимир Путин ресми сапармен Астанаға келді
"Сағат 16.30-да "Керуен Медиа" LED-экранында Ресей туының жоғарғы сегментінде бейнеленген кабель тұйықталып, ақ түс өшіп қалған, сондықтан электр қуаты жүктелген кезде түс реңі өзгеріп, жарқырайды. Осылайша, ұялы телефонмен түсіріліген видеоны көрген кезде қызыл түс көзге сары болып көрінеді", – дейді "Керуен Медиа" директорының техникалық мәселелер жөніндегі орынбасары Мұхтар Бекбосынов ҚазТАГ басылымына берген сұхбатында.
Еске салсақ, бұған дейін Астана әуежайында Путинді күтіп алу үшін "Жоғары мәртебелі" деген сөз жазылған баннерлер ілінгені туралы жазған едік.