Астанада жаппай жарық сөніп қалды

Астанада 3 қыркүйекте жаппай жарық сөніп қалған. Бұл туралы Stan.kz ақпарат агенттігі хабарлайды. 

Астана халқы түнгі уақытта электр қуатының сөніп қалғанын мәлімдеген. Бұдан кейін су да өшіп қалыпты. 

"3 қыркүйекте 23:52-де 100 кВ әуе желісінің сол жағында апатты өшіру орын алды", – делінген хабарламада.

Салдарынан Ақбұлақ шағынауданы, Абылай хан даңғылы, Жұмабаев даңғылы, Оңтүстік-шығыс пен оңтүстік бөлігінде электр қуатына шектеу енгізілген. 

"00:19-да ПНФ станциясын оң жақ желіге қосып, шектеу алынып тасталды. 220/110 кВ әуе желісінің қызметі желіні бақылауда", – делінген "Астана – АЭК" АҚ хабарламасында.