Астанада ер адам лифтте кәмелетке толмаған қызға тиіскен
Астанада тұрғын үйдің лифтінде кәмелетке толмаған қызға тиіскен ер адам 15 тәулікке қамалды. Бұл туралы Stan.kz ақпарат агенттігі хабарлайды.
2026 жылғы 12 ақпанда Астана қаласының әкімшілік құқық бұзушылықтар жөніндегі мамандандырылған ауданаралық соты азамат Б-ға қатысты әкімшілік құқық бұзушылық туралы істі қарады. Іс “ұсақ бұзақылық” бойынша қозғалған.
“2026 жылғы 11 ақпанда сағат 11:00 шамасында азамат Б тұрғын үй кіреберісінің бірінші қабатында және жедел сатының ішінде 2014 жылы туған кәмелетке толмаған К-ның жеке кеңістігін бұзып, тыныштығын бұзған. Анықталғандай, қыз жедел сатыны күтіп тұрған кезде Б оған тым жақын келіп, лифт ішінде қыздан аз қашықтықта тұрған. Нәтижесінде қыздың сөмкесі иығынан құлап түскен, ал қыз бұрылған сәтте Б жедел сатыдан шығып кеткен”, – делінген сот материалында.
Сот отырысында ер адам өз кінәсін мойындамай, әрекеттерінің себептерін түсіндірмеген. Ал жәбірленушінің заңды өкілі қызының үйіне мазасыз күйде оралғанын, жедел сатыда бейтаныс ер адамның тым жақын тұрғанын және лифт ішінде екеуі ғана болғанын жеткізді.
Ұсынылған дәлелдерді бағалай келе, сот азамат Б-ның кәмелетке толмағанның артына әдейі тұрып, оның жеке кеңістігі мен тыныштығын бұзған деген қорытындыға келді.
Сот жауапкершілікті жеңілдететін мән-жайларды анықтамады. Ауырлататын мән-жай ретінде құқық бұзушылықтың кәмелетке толмаған адамға қатысты жасалуы танылды. Жасалған құқық бұзушылықтың сипатын, құқық бұзушының жеке басын және алдын алу мақсаттарын ескере отырып, 15 тәулік мерзімге әкімшілік қамау жазасын тағайындады.
Сот әкімшілік қамауға алуды қолдануға кедергі келтіретін мән-жайларды анықтаған жоқ. Қаулы әзірге заңды күшіне енген жоқ.
Еске салсақ, Астанада белгісіз ер адам 8 жасар қызды ұрлап кетпек болғанын жазғанбыз.
"1,5 келілік сәби жансақтау бөлімінде": Таиландқа демалуға барып, босанып қалған қазақстандық әйел елден көмек сұрады
