Астанада тағы да фельдшерге шабуыл жасалды

Видеодан скриншот

Астанада ер адам психикалық денсаулық орталығында науқастарды қабылдап жүрген фельдшерге шабуыл жасады. Полиция қылмыстық іс қозғады. Бұл туралы Stan.kz ақпарат агенттігі хабарлайды.

Оқиға 3 сәуір сағат 18:30 шамасында болған.

"Жұмыста көтеріңкі көңіл-күймен жүргем. Шамамен жарты сағаттан кейін мен отырған кабинетке 35-40 жастағы бейтаныс ер адам кірді. Ол ауруханада жатқан науқасты қабылдауды сұрады. Өзін таныстырмады да, кімді қарау керегін айтпады", – деді фельдшер.

Фельдшер ер адамға ешқандай дөрекі сөз айтпай, сабырлы және сыпайы жауап бергенін айтты. Алайда келуші агрессия көрсетіп, дөрекі сөздер айтқан.

"Аурухана бөлмесінде бейнебақылау жоқ, сондықтан мен медициналық тексеру бөлмесіне бардым, онда SOS түймесі бар. Мен күзет қызметіне қоңырау шалу үшін оны басқым келді", – деді ол.

Атырауда фельдшерді өлтіру ісі бойынша 19 адам сот алдында жауап береді

Оқыңыз

Ер адам фельдшерді мойнынан ұстап, тұншықтырып, бетін жұдырықпен ұрған. Сол кезде басқа бөлімшеден күзетші келіп, ал келуші клиникадан шығарылды.

Астана полиция департаменті Қылмыстық кодекстің 380-3-бабы қызметтік міндетін атқару кезінде медицина қызметкеріне күш қолдану бойынша қылмыстық іс қозғағанын хабарлады.

"47 жастағы ер адам жедел жәрдем бөліміне туысына бару үшін келгені анықталды. Кезекші фельдшер одан жұмыс уақытында келуін сұрады. Cодан кейін ер адам фельдшерді ұрып, қашып кетті. Полиция оны ұстады, қамауға алу шарасы қарастырылып жатыр", – деді полиция.

Еске салсақ, Алматыда науқастың ұлы жедел жәрдем қызметкерлеріне пышақпен шабуыл жасаған.