Астанада есепші өзі істейтін мекеменің 400 млн теңгесін құмар ойынға салып, ұтылып қалған

Астанада есепші мекеменің 400 млн теңгесін казинода ұтылып қалған. Бұл туралы Sran.kz ақпарат агенттігі хабарлайды. 

Фото: freepik.com

Астана қалалық прокуратурасының мәліметінше, күдікті әйел сот үкімімен құмар ойындарын ойнау үшін ақша табу мақсатында алаяқтық жасағаны үшін 5 жылға бас бостандығынан айырылған.

“Күдікті әйел ЖШС-ның есепшісі бола отырып, мекеме басшыларына шет елге тиімді инвестициялар салу туралы өтірік айту арқылы 385,9 млн теңгеден астам қаражатын иемденген. Сотталушы ұрланған ақшаның басым бөлігін казинода ұтылған”, – делінген прокуратура хабарламасында. 

Іс бойынша мемлекеттік айыптаушы сотталушының кінәсін дәлелдеді. Сот үкімі заңды күшіне енді.

Еске салсақ, бұған дейін Түркістан облысында білім бөлімінің есепшілері мұғалімдердің қаржысын жылдар бойы өз таныстарына аударып келгені туралы жазған едік.