Астанада ер адам тірі ата-анасының "жаназасына" әріптестерінен ақша жинаған
Фото: depositphotos.com
Астанада әріптестерінен ата-анасының қайтыс болғанын айтып, ақша алған алаяқ ұсталды. Бұл туралы Stan.kz ақпарат агенттігі хабарлайды.
Тексеріс барысында ер адамның ата-анасы тірі және дені сау екені анықталған.
“Ол жұмыс орнындағы әріптестеріне әуелі әкесі, кейін анасы қайтыс болғанын хабарлап, жерлеу үшін қаражат қажет деген желеумен ақша жинаған. Адамдардың сеніміне кіріп, мейірімін пайдаланып ақшаны иемденген”, – делінген полиция хабарламасында.
Полиция қызметкерлері 35 жастағы ер адамның кемінде 10 адамды осылай алдағанын атап өтті. Қазір күдіктінің ісі бойынша "Алаяқтық" бабымен сотқа дейінгі тергеу жүріп жатыр.
Еске салсақ, бұған дейін астаналық әйел “ұлым терезеден құлап кетті” деп өтірік айтып, әріптестерін 2 миллион теңгеден астам ақша жинап алғаны туралы жазған едік.
Талқылау
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген
Астаналық әйел тірі ұлын "өлтіріп", 100-ге жуық әріптесінен ақша жинаған
Жәбірленуші: "Гүлмира Ашимова Ұлттық ұландағы подполковниктің әйелі"