Астанада Әзербайжан президентінің көзінше егілген ағаштар неге қазып алынды - әкімдік жауап берді
Астана қаласы Есіл ауданы әкімінің орынбасары Дәрменияр Қыдырбекұлы Гейдар Әлиев көшесінің бойына егілген шыршаның орнынан алыну себебін түсіндірді деп хабарлайды Stan.kz ақпарат агенттігі.
"Әзербайжан Республикасы президентінің ресми сапары аясында Гейдар Әлиев көшесі салтанатты түрде ашылған болатын. Бұқар жырау көшесінің Гейдар Әлиев көшесімен қиылысқан тұсында бес шырша отырғызылды. Кейін агрономдар бізге бұл шыршаларды қылқан жапырақты ағаштардың өсуіне әлдеқайда қолайлы орынға – Ботаникалық бақтағы Әзербайжан президенті өз қолымен еккен ағаштан 100 метр жерге ауыстырылды. Ал олардың орнына жөке мен арша егілді. Өйткені жөке магистральдік жолдың бойында жақсы өседі және эстетикалық көрініске сән қосады", - деп түсіндірді Есіл ауданы әкімінің орынбасары Дәрменияр Қыдырбекұлы.
Әкімдік өкілі бұл іс-шаралар экологиялық жағдайды жақсартуға және келген жұртшылық үшін жайлы жағдай жасауға бағытталғанын атап өтті.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн