Астанада әскери киім киіп, қолына автомат ұстаған ер адам тұрғындардың зәресін алды
Астанада әскери киім киіп, қолына автомат ұстаған ер адам тұрғындардың зәресін алды. Бұл туралы Stan.kz ақпарат агенттігі хабарлайды.
Фото: polisia.kz
Астана полициясына тұрғындар Мұхамедханов көшесінде камуфляж киген және қолына қаруға ұқсас зат ұстаған жас жігіттің жүргенін айтып шағымданған.
"Полиция қызметкерлері хабарламадан кейін тез арада жасөспірімді ұстады. Тексеру барысында анықталғандай, оның қолындағы зат интернет арқылы сатып алынған страйкболға арналған қару макеті болып шықты. Жасөспірім жоспарланған ойынының болмайтынын білгеннен кейін үйіне қайтып бара жатқанын айтты”, – делінген полиция хабарламасында.
Полицияға жасөспірімнің заңды өкілдері шақырылып, тексеру жүргізілуде.
Еске салсақ, бұған дейін Жетісу облысында мектеп оқушысы қатарласының аяғын аңшы мылтығымен атып жібергені туралы жазған едік.
Талқылау