Астана - Щучинск тас жолы жабылды

Жаңбыр, қар және көктайғақ салдарынан Астана-Петропавл тас жолының бір бөлігі көліктің барлық түрі үшін жабылды, деп хабарлайды Stan.kz ақпарат агенттігі.

Қазір Астанадан Щучинскке дейінгі жол жабық.

"ҚазАвтоЖол" бұл аумақта бұрын жаңбыр жауып, кейін күрт қар жауа бастағанын, қазір ауа температурасы -3°C, көктайғақ болып, кей жерлерде көру мүмкіндігі шектелгенін хабарлады.

Қазгидрометтің болжамы бойынша, 15 сәуірде Астана мен Ақмола облысында қар жауып, жел күшейеді.

13 сәуірде еліміздің басым бөлігінде ауа райының қолайсыздығына байланысты "ҚазАвтоЖол" бөлімшелері күшейтілген тәуліктік жұмыс режиміне көшірілген болатын.

Жолда қиын жағдайға тап болған жүргізушілер 1403 қысқа нөміріне тәулік бойы хабарласып, көмек сұрай алады.