Әскери қызметкер жоғалып кеткен сәбиді Алматы жолында құтқарып қалды
Ефрейтор Данияр Эшайдаров жоғалып кеткен 2 жасар сәбиді бір ажалдан аман алып қалды. Ол көлік дөңгелегінің астында қала жаздаған сәбиді тез арада қауіпсіз жерге шығарып алған.
Бұл туралы ҚР Қорғаныс министрлігінің сайтында хабарланды.
Бұл күні Данияр Эшайдаров 12881 әскери бөлімінің тексеру-өткізу пунктінде қызметте тұрды. Кенет оның бөлімге қарсы бетте жалғыз жүрген 2 жасар сәбиге көзі түседі. Бүлдіршіннің қасынан аса жоғары жылдамдықпен көліктер зырғып жатқан. Әскери қызметкер ойланбастан көмекке жүгіріп, бүлдіршінді құтқарған.
«Қорықтым, бірақ өзім үшін емес, бүлдіршін үшін қорықтым. Сол сәтте бір орында қатып қалмай, бір қадам алға не артқа басса, оны көлік басып кетуі мүмкін еді. Ондай жағдайда оған көмектесе алмас едім», – дейді ефрейтор Эшайдаров.
Ал бөлім командирі, подполковник Руслан Өтепов қарамағындағы ызметкердің ерлігі жайында сәбидің анасынан естіген. Жас әйел әскери қызметкерге алғысын айту үшін бөлімге келіпті.
Бұдан кейін генерал-майор Алмаз Жұмакеев Даниярды ерлігі мен батылдығы үшін алғыс хатпен марапаттап, барша әскерилерге үлгі етті.
Жіберіп алмаңыз:
Атырауда ұрлаған ақшаларын жерге тыққан жігіттер ұзақ мерзімге сотталды
ЭКСПО: Астаналық таксиші бір күніде 30 мың теңге тапқан
Шымкент тұрғыны ұлының көгілдір болып кеткеніне өзін кінәлауда
Қызылордалық қожа «қарадан» алған келінімен бір дастарханнан шай ішпейді