Асхат Оралов партия сайлауалды бағдарламасының жүзеге асырылуын премьер-министр Әлихан Смайыловпен талқылады

"Nur Otan" партиясының Атқарушы хатшысы Асхат Оралов еліміздің Премьер-Министрі Әлихан Смайыловпен кездесті.

Кездесу барысында Үкімет мүшелері мен партия органдарының "Nur Otan"-ның республикалық сайлауалды бағдарламасын іске асыру жөніндегі өзара іс-қимыл мәселелері талқыланды.

Еске сала кетейік, Мемлекет басшысы, партия Төрағасы Қасым-Жомарт Тоқаевтың тапсырмасы бойынша "Nur Otan" Орталық аппараты Мәжілістегі фракциямен бірлесіп, партияның 2021 жылғы сайлауалды уәделерінің орындалу сапасына талдау жүргізуде.