Бақытбек Есентаевқа қатысты ақпараттар легі толастар емес. Продюсер мен оның жұбайының арасындағы оқиғаларға қатысты сот соңғы шешімін бірнеше апта бұрын шығарған болатын. Нәтижесінде Бақытбек Есентаев 9 жылға бас бостандығынан айырылып, темір торға қамалған-ды. Алайда сотталушының қорғаушысы Бекболат Жансейітов үкіммен келіспейтінін айтып, аппеляциялық шағым түсірді. Баян Есентаеваның қорғаушысы әрі Аша Матайдың әкесі Марат Төкенұлы да бұл шешіммен келіспейтіндігін жеткізіп отыр.

“Сотталушы Бақытбек Есентаевтың жасаған іс-әрекетіне қатысты дәлелдемелер дұрыс келтірілмеген деп ойлаймын. Өйткені, жалпы қылмыстық іс материалдарында, біздің ойымызша, кісі өлтіруге оқталу деген бапқа сәйкес дәлелдер жоқ. Бақытбек Есентаевпен мен жәбірленуші тарап бір болып тұрмыз. Өйткені, позициямыз бір”, – дейді қорғаушы.

Марат Төкенұлы қандай жағдай болса да, Бақытбек Есентаевтың жазасын жеңілдетуге тырысатындықтарын жеткізді. Айтуынша, заң жолымен бұған қол жеткізуге болады.

“Басында ашумен, басқа жағдайлармен жазылды. Десе де, жеме-жемге келгенде кейбір жағдай адамды өкіндіреді. Бірақ жазылып кеткен дүниелерді де зерделеп қарау керек. Қазіргі кезде біз бір ойдамыз. Қалай болғанда да жеңіл жағына әкелмекпіз. Негізі бостандыққа шығарып алу мүмкіншілігі бар. Соған өзіміз үміттеніп отырмыз”, – дейді Марат Төкенұлы.

Жіберіп алмаңыз:

Баян Есентаева: Бетімнің кем-кетік тұстарын есіме сала берудің қажеті жоқ

Тұңғышбай Жаманқұлов ұрланған 6 миллион теңгені мемлекетке қайтарып берді

Күйеуі Сиви Махмудидің туған күніне жаңа көлік сыйлады (видео)

Әнші Нұрлан Әміров: Еркектің қыдырмайтыны жоқ, ол үшін сөкпеңіздер

Талқылау