Арқалықта мас жүргізуші аялдамаға соғылды
Арқалықта мас жүргізуші көлігімен аялдамаға соғылды, деп хабарлайды Stan.kz ақпарат агенттігі.
"26 жастағы ВАЗ 2112 автокөлінің жүргізушісі қоғамдық көлік аялдамасына соғылған. Полиция қызметкерлері жүргізушіні куәландыру үшін медициналық мекемеге жеткізді. Ол мас болған. Қазіргі уақытта жүргізуші қамауға алынды", - делінген полиция хабарламасында.
Жүргізушіге қатысты ҚР ӘҚБтК-нің 608-бабы бойынша әкімшілік хаттама толтырылды. Ол 20 тәулік қамауға алынуы және 7 жыл мерзімге көлік жүргізу құқығынан айырылуы мүмкін.
Талқылау